星期二, 6月 26, 2007
Google Adsense 小tips - 20070626
今日個google adsense不停出公益廣告, 於是乎上網找找
經過自己不停反覆測試, 發現label 個名如果用單字, or 字典沒有的字, 出公益廣告既機會會較大, 有網友說google adsense 個search engine 係base on url 找出適合廣告, 所以我將單字的label 轉成個字或以上, 希望可以增加收入~
經過自己不停反覆測試, 發現label 個名如果用單字, or 字典沒有的字, 出公益廣告既機會會較大, 有網友說google adsense 個search engine 係base on url 找出適合廣告, 所以我將單字的label 轉成個字或以上, 希望可以增加收入~
星期一, 6月 25, 2007
zelda 薩爾達傳說 - 夢幻之砂時計 流程攻略 (三)
流程攻略 (三)
47.去到死者之島 金字塔裡有提示話要穿過循環迷陣就要先搵六賢者 另一個提示就提到神木既西13北7 於是就去搵下島上面唯一唔同既一棵樹 然後從棵樹起數西13格北7格再掘地
就會發現秘道 穿過秘道到樓上 就可以射箭打左邊既水晶黎打開墳場度門
48.到墳場順序調查六賢者既墓碑 就會得到”北東東北北”呢個順序 用呢個順序就可以穿過金字塔循環迷陣 穿過後可以從第四騎士團長既靈魂度得到頸鍊
49.得到頸鍊就可以出發去西面既遺跡島 島入口既水龍卷已經可以通過 島上先搵左上角金字塔既第三騎士團長 佢會幫你開路 然後沿路到右上角金字塔搵第二騎士團長 佢會俾把王家
之鑰匙你 跟住就可以用佢打開左上角金字塔裡面既機關 令遺跡島水位下降
50.水位下降左就可以搵到路去右下角金字塔 入去搵第一騎士團長傾計 就會將右邊道門打開 去到發現裡面仲有道紅色既門要你畫野 提示碑就話畫既方法就收埋左o係迷宮裡
面 於是去地圖左下角 水位下降後呢度既石碑就可以調查 調查晒就可以知道畫既方法如下:
1,6_____2
| |
| 4 |
| / \ |
5 3
畫完就可以打開紅門去到金字塔神殿
51.金字塔神殿難度唔高 沿途又甚少敵人(反用一位戰神名句:不用戰鬥 我就可以更專注思考XD) 呢度有兩大重點第一要注意既係水位變化前後既路有咩唔同 不過通常遇到冇路走
時就改變一下水位就應該ok 第二係要用鎚過既XO式機關 頭幾個都係將X轉晒做O 最後一個係要你跟番底下(退左水至見到)個形式黎整
52.金字塔神殿既boss係一個大巨像 打法係全程用鎚 先用彈板彈到空中然後狂點巨像身上各處既紅點 注意由彈起開始都唔好放開L/R制打晒所有紅點會進入第二階段 巨像身上會
出現4塊紅塊 今次要做既係彈起之後一次過點晒4塊 點完之後巨像會散晒得番個頭 進入第三階段打法依然係用彈板彈起 跳到佢頭上狂點就搞掂 打完拎埋最後一粒綠色礦石
53.三粒礦石集齊完畢 就可以番去搵鐵匠鑄劍 不過佢話需要時間 去遊下船河再番黎拎劍啦
54.得到聖劍後番去出發地 咪咁急衝去海王之神殿住 先去搵老伯傾下計 佢會幫你將聖劍同沙漏結合 再變成一把新劍
55.今次係最後一次闖海王之神殿喇 好好運用地圖功能同各種道具可以爭取唔少時間
直落到B13 今次要同d劍士打喇 不過醒目既可以落去之前拎起個紅色既缸先 落到去至掟落地製造一個安全點會易打得多
56.海王之神殿boss係隻觸鬚怪 一開始有d老鼠拉龜 之後妖精會提示你試下用道具 拎起你既繩勾 向住佢身上既紫色泡泡掟清晒d泡泡後就有機會衝前狂斬 然後boss會走上上層
你亦行樓梯上去 今次係用箭射佢觸鬚上既眼仔 打完佢會再落下層 打法同之前一樣再打完佢又上番去 一樣用箭 再打完佢就會上頂樓 都係用箭搞掂 打完晒佢會落番最底層 呢個
時侯boss會以無敵狀態飛黎飛去 妖精會俾力量你點畫面下面既沙漏icon會有個框 等boss飛埋黎時就o係框裡面畫沙漏圖案 boss就會定左 趁機繞去後面打佢隻眼啦 重覆咁做好快就可以打死佢
57.打完boss會打一場海戰 對手係幽靈船 開炮打晒船上d眼就搞掂
58.終於都到最後一戰 boss會附身到船長身上 原本想繼續用沙漏既力量黎定住佢 發現佢隻眼收埋左 妖精想繞到佢身後睇佢隻眼幾時出黎點知俾boss捉埋 最差既情況下 妖精叫你
相信聖劍既力量 一於衝前狂斬啦 頭幾劍佢會格住 再斬會進行角力 贏埋佢就會露出破綻補多一劍終於令佢跌低 妖精亦搵到機會俾力量你去用沙漏 今次可以睇住佢開眼時先用 定住之
後狂斬隻眼 之後boss會醒目左識得左右跳不過都係追斬佢就得 重覆咁打就可以搞掂佢
59.好好欣賞爆機畫面
zelda 薩爾達傳說 - 夢幻之砂時計 流程攻略 (二)
流程攻略 (二)
25.拎到太陽之鑰匙之後 可以去番西南海圖左下個島(即係之前得到鏟同迷霧陣解法既地方) 不過去到島前要先打隻海怪 打海怪唔能夠企定定狂開炮 要四圍駛下 等佢隻黃眼突出黎至瞄準開炮至係最有效打法
26.入到島 掘番探險家個秘密山洞 跳落去 沿途就會見到需要太陽鑰匙既門 開門穿過山洞出去
27.去到神殿門口有提示話需要三道光集合到門口 所以要去附近打d石像 將三道光射去門口位 當中一個石像要打完兩隻魚人至會出現 另一個要用回力標打
28.勇氣之神殿係一個比較難既地方 有5大重點: 第一 有提示話你知呢個神殿既機關解法”全部”都係上下右左呢個順序 第二有提示話你知大耳既敵人都係怕大聲既 所以要你嗌(用mic)黎對付 第三 睇地圖1F左上角有個密室 其實可以炸入去 裡面有圖解好重要一定要mark低 去到B1就係靠呢個圖解黎行d隱形路 第四 途中會見到一d懸空類似箭咀既物體 你可以用回力標改變佢方向 如果射箭落佢度佢會跟佢指住既方向再射一箭 第五 2F右上角會有個藍色正方體 呢度要自己o係地圖上畫路線 佢至會跟住你條路線行
29.勇氣之神殿o既boss係隻寄居蟹(?) 一開始要由敵人既主觀視線用箭射佢一下先(我鍾意呢一下既打法) 之後變番正常視線 打法係先從正面打佢 佢會擋既 趁佢擋時繞去後面打藍尾 打完拎埋第三隻妖精
30.集齊三隻妖精可以去追幽靈船喇 一出港就遇到個女海盜黎襲擊(以後會不時黎襲擊 好麻煩) 打完先駛去迷霧陣(今次唔駛跟路線行) 行前d會話有魔力影響叫你手動番控制 畫左轉左反之亦然 然後聽住聲音黎搵 聲音越快代表距離越近 呢度要俾d耐性
31.上到船會見到有個妹妹仔 佢叫你救埋佢三個姐姐 每救一個就帶番去妹妹仔度呢度有兩個重點 第一 唔只主角自己可以隔一格咁跳過d坑 拎到寶石時都可以掟過去對面既 第二 有層有提示24513 呢個係拉把手既順序黎 即係拉左起第4個先
32.救晒4姐妹發現原來佢地係奸既(唔怪得陰我開錯寶箱啦= =) 說話間提到打排球呢個字眼 原來係提示 打佢地既方法就係將佢地打落黎個魔法球用劍反番俾佢 只係反到一粒大既魔法球 三粒細o個種魔法球係反唔到既
33.打完拎到幽靈鑰匙 用佢可以開到下層原本鎖住既門 搵番女主角 但係已經變左石頭
34.之後有提示叫你搵鐵匠 鐵匠身處既島 地圖係冇顯示既 位置係風之島北面 駛架船去到附近就會發現個島 搵鐵匠傾完計就會俾題示你
35.之後又番去出發點 冇錯 又係海王之神殿呀= = 謎題仍舊 不過因為已經得到弓箭 沿途牆上既眼可以利用 呢度重點係B5畫圖o個度 今次唔再係畫沙漏 而係畫鐵匠俾你既圖 畫法如下:
1,10
/ \
2,5___6,9
/ \ / \
3___4,7___8 記住係要一筆畫
繼續深入 去到B10就可以得到東南之海圖
36.拎到海圖 就可以出發去東南海域 呢度有兩大島-哥朗島同冰之島 打邊個先都冇所謂既
37.先講哥朗島 去到哥朗島首先係要同全部哥朗打聲招呼先啦(RPG必要步驟) 其中有一隻哥朗會叫你幫手打d黃色發電怪 要走上上層放箭打 另一隻要嗌佢(用mic)至會幫你開橋
38.想去地圖上面時有隻哥朗頂住條路 佢話唔係哥朗唔過得喎= = 番去搵村長 佢話要考驗下主角適唔適合加入哥朗一族 於是問問題要答岩晒6條至得 答案如下: 船,全個島有幾多人(14),全個島有幾間屋(6),呢條係第幾條問題(正常係4),黃色,你拎左我幾多錢(正常係46),有幾多子供(小朋友答案係6) 主要係以上幾題 其他問題撞多兩次應該ok(按答案時最低o個個係50/50黎) 答岩晒就承認主角係哥朗一族= =
39.去到哥朗島上面個迷宮 發現冇路行 睇下地板發現有d大眼圖案 原來d大眼正下方既牆都炸得既 繼續去到哥朗之神殿
40.哥朗之神殿其實比起勇氣之神殿易打得多 稍為特別既地方係途中有需要主角同小哥朗一齊合作既地方 當一個冇路行 就另一個出動開路 而呢度得到既炸彈鼠同樣係呢度好多謎題既關鍵 佢可以幫你入老鼠洞同埋遠距離炸野 請好好運用黎解題
41.呢關boss係隻恐龍 打法係用哥朗引佢撞牆 一撞到就走去佢旁邊狂點 點幾下後會將佢撞反(會有字幕提示) 主角呢個時侯就可以餵佢食老鼠 打完過去再打多次 今次係餵佢食炸彈加劍斬 打贏就拎到粒紅色礦石
42.出發去冰之島 島外圍有好多冰山 要開炮炸晒去 入去又係同所有人傾計啦 之後就去上面住宅區 同上排中間o個間屋隻野傾計 佢會變番原形 搞掂就番去搵村長 佢會俾你入山洞
43.穿過山洞去到冰之神殿 呢度有兩大重點 第一係有層有4個把手要拉 根據提示可以知道次序係1432 第二係呢度好多要利用勾繩破解既謎題勾繩用途相當廣泛 除左勾住目標拉自己過去同拉機關之外 仲可以用黎連住兩個目標 連左可以當繩橋黎踩 又可以自己走埋去當丫叉咁彈高自己仲可以用黎反彈d箭 好好利用就可以解開所有謎
44.呢關boss係隻雙頭龍 佢有三種攻擊方式 第一係噴冰/火球 破解之法係用勾繩打斜連住兩條木 令到佢冰球反去火龍度 火龍反去冰龍度第二係刮起大浪 破解之法係o係身後打橫連住兩條木 等d水衝到埋黎時彈起自己 第三係雙頭龍咬爛前面兩條木後至會出現 係吸氣噴冰/火破解之法係趁佢吸氣時用勾繩連住佢條利同木柱 等佢撞暈就衝前狂斬 打完可以得到藍色礦石
45.拎完兩粒礦石 再番出發地 五闖海王之神殿= = 今次目標係落到B13拎東北之海圖 由於多左勾繩同炸彈老鼠 有好多捷徑可以利用我既做法係每行一層都將過呢層最快既路線畫低 咁就確保以後再黎(= =)既時侯可以有效咁爭取時間 呢度既重點係B9 原先要將3個寶石(圓 正方三角)放去機關度 呢次要留意埋順序 先正方 再圓形 後三角 依呢個次序至可以落B10 繼續落到B13就可以拎到東北之海圖
46.拎到東北之海圖就可以向東北海域右上角既死者之島出發
zelda 薩爾達傳說 - 夢幻之砂時計 流程攻略 (一)
流程攻略 (一)
1.一開始同個老伯傾計 然後就可以入樹林 但係一見到有怪出現就會提示你拎番把武器先
2.跟住就可以番去阿伯屋右邊個山洞 洞裡面度門有個謎題 提示係問你海邊有幾多棵椰樹 去數完番黎將個數字寫番落個木牌就可以開門拎劍 答案係:7
3.然後可以去樹林裡面個山洞 山洞裡面有一處有4個把手 要跟住次序黎拉 第一個提示係話左邊第2個最先拉 第二個提示話左邊第1個係第二 右邊第2個係最尾 所以答案係:2143
4.穿過山洞去港口搵船長 但係搵唔到 於是去酒吧打聽 原來佢去左海王之神殿
5.上面出村去海王之神殿 見船長被困 衝去佢左上位置打個水晶救佢 然後搵佢傾計拎條鑰匙 佢會拜託你搵張海圖
6.再衝去地圖左上角打水晶 然後盡快衝去右上打另一粒 就可以打開中間度門拎到海圖
7.番去港口搵船長 劃下海圖右下角個島可以發現標記 然後就可以出海 先去正下面標記所在既火之島
8.島上有個女占卜師 去到佢屋既地牢 有怪打 打完去調查度門 隻妖精提示你門後好似有人 叫你嗌下 你就向住度門對住個mic嗌一聲(或者吹一吹)就會有劇情
9.占卜師會叫你睇下門旁既一張地圖 然後你要去搵呢個島上面既三個火台 將佢地位置mark低 再番黎去地牢張圖到mark番同樣既位置就可以救番個占卜師 然後可以上山
10.山頂位置有個碑提示你要吹熄d蠟燭 所以就去吹熄神殿門口兩枝蠟燭 跟住就入到火之神殿
11.火之神殿裡面要留意沿途牆上既提示牌 最好睇完mark番落地圖啦 活用呢度拎既回力標黎解謎 其中一個謎題就係要你用回力標順序打番4粒水晶
12.呢度既boss係個法師 會分身 要用回力標將佢地三個順住123(角)串埋就會合番體 趁呢個時侯狂打
13.打完拎到隻新妖精就可以番去占卜師度傾計 再番去第一個島再挑戰海王之神殿
14.入去拎左上層個砂漏 然後入下層 有左隻新妖精就可以開到之前正中間度門 呢度要注意有時間限制 唔好俾d劍士發現不幸被發現就行去d閃閃既地方(遊戲裡稱為聖域)度避離 呢d聖域除左d劍士入唔到之外 你企係度d時間都唔會扣既要活用(途中你會見有d機關例如牆上既眼,類似老鼠洞既物體 一概不理 因為你暫時未拎到相關物品) 繼續走到盡頭就會拎到第二張海圖
15.拎完海圖要吹走d沙就可以發現標記 然後就出發去大炮島 位置係一開始個島既左下 入屋見到個高佬 傾完計會開左度木門俾你 沿路落去 穿過山洞到島另一邊 沿途要活用炸彈花炸開晒d碎石頭 兜完一圈從間屋另一個門口入去 就可以搵到個矮仔老闆同佢買枝船炮
16.出發去北面 但係有龍卷過唔到 於是向左駛去山壁度 會發現有幾座山可以用大炮打爛 駛入去會發現幽靈船 聽佢指示一直追到上上面個地圖雖然大霧都要一直跟住架船 追到咁上下 會有劇情話已經俾隻幽靈船走甩左(幽靈船會係海圖上消失) 而自己架船亦會因為個迷霧陣被送番轉頭呢個時侯就可以番落下面地圖 去左下角既島
17.呢度打聽到島上住左一個探險家 佢曾經突破過個迷霧陣 於是去最右邊間搵佢 但只係見到佢個仔 佢話俾你知佢老豆有個秘密地方叫你搵下
18.出屋入旁邊山洞 山洞裡會搵到一個鏟 穿過山洞 會見到兩個航行日誌石碑 將碑既位置mark低 連埋村裡面兩個都mark埋 共四個
19.mark好之後將四個位置兩個兩個咁連埋成一個交叉 去交叉點(確實地點係o係正一棵樹下) 掘就可以發現個探險家既秘密地方 裡面有迷霧陣既行法 要記低係海圖上 之後可以跟佢咁行衝過迷霧陣去到風之島
20.風之島要利用風起既時候順風跳過一d比較遠既地方 某d地方亦要利用鏟將風口位挖出或者埋上 見到有提示板時要跟佢mark低 其中一度提示係話要令圖中三個地方有風 於是就去到有記號既三個風車面前吹郁佢(吹個mic) 咁就可以打開機關入風之神殿
21.風之神殿主要既謎題都係集中到利用風同炸彈 例如係借風力跳過一d比較遠既地方或者吹郁一d機關 或者係用炸彈引爆d炸彈花 呢度既boss係隻飛天章魚(?) 打法係掉d炸彈去d風口位度 等d風吹d炸彈上去炸佢 炸佢落地就後就衝前狂斬啦
22.打完左又拎到一隻新妖精 又要去闖海王之神殿喇= =(我預計之後起碼仲要打多一至兩次 感覺有d麻煩) 一直走落去d機關大致上都差唔多(牆上既眼,老鼠洞依然唔駛理) 不過由於多左炸彈用可以發現一d捷徑(例如落到去第一層可以直接用炸彈炸開d石黎踩機關拎鑰匙 唔駛兜大圈) 去到其中一層有6個碑 左上碑寫住”由我開始 由我終結” 右上碑寫住”我係第二” 左中碑寫住”睇到呢段文字會受咀咒” 右中碑寫住”呢度只需要注意4個碑” 左下碑寫”我係第3” 右下碑寫住”我係第4” 集合呢6句話既意思就可以去正中間度畫個圖 畫法如下:
１，５－＞２
＼／
／＼
３－－４ 要一筆畫 形成一個類似沙漏既圖案
畫完就可以開門入去 發現一張海圖 心水清既人見到呢張圖應該會即刻留意到張圖同實際張圖係上下對稱既 隻妖精之後會提示你諗下辦法將上下兩張圖合併埋去 呢個謎真係非常正 原來係要你合番埋部NDS(唔係關機呀= =") 再開番就OK
23.離開風之島再去大炮島買打撈用既鉗 個老板好似要求你出下聲黎決定幾錢 (我試過小小聲喂左一聲 佢收我1000 再試下大聲D喂 佢就收我200) 唔知係咪越大聲越平既 不過200算喇 我唔想嗌爆個mic= =
24.買左就可以去打撈番所有寶物 當然最重要就係去綠點度打撈太陽之鑰匙啦
星期六, 6月 23, 2007
星期四, 6月 07, 2007
星期一, 6月 04, 2007
我愛你的三十種表逹方式
Arabic 阿拉伯语 Ana Ahebak
Bulgarian 保加利亚语 Obicham te
Chinese 汉语 Wo ai ni
Danish 丹麦语 Jeg elsker dig
Dutch 荷兰语IK hou van jou
English 英语 I love you
Esperanto 世界语 Mi amas vim
Finnish 芬兰语 Mina rakastan sinua
French 法语 Je t'aime
German 德语 Ich liebe Dich
Greek 希腊语 S'agapw
Hebrew 希伯来语 Ani ohevet ota
Hungarian 匈牙利语 Szeretlek
Icelandic 冰岛语 Eg elska thig
Indonesian 印度尼西亚语 Saya cinta padamu
Italian 意大利语 Itti amo
Japanese 日本语 Anata wa ,dai suki desu
korean 韩语 Sa Lang Hae/Na No Sa Lan Hei
Latin 拉丁语 Ego te amo
Malay 马来语 Saya cintakan mu /Saya cinta mu
Norwegian 挪威语 Jge elsker deg
Persian 波斯语 Tora doost darem
Polish 波兰语 Kocham Cie
Portuguese 葡萄牙语 Eu te amo /Eu amo-te
Russian 俄语 Ya tebya liubliu
Spanish 西班牙语 Te quiero /te amo /yo amor tu
Swedish 瑞典语 Jag alskar dig
Thai 泰语 Khao Raak Thoe /chun raak ter
Turkish 土耳其语 Seni seviyoum
Vietnamese 越南语 Toi yeu em[/code]
星期日, 6月 03, 2007
訂閱：
文章 (Atom)