lost in blue 2 男版簡單生存攻略 + Q&A區

From uwants.com

lost in blue 2 男版簡單生存攻略 + Q&A區(新加爆機後新增的mode的攻略)


[顯示] [隱藏]
生存需要有肉食,
但點打肉食先最有效率呢?
我建議用吉魚的方法先.
準備工具:矛一支
矛有好多方法整,
可以用就咁用木棒整,
可以用木棒+加工石整,
可以用竹+加工石整,
但最好都係就咁用木棒or木棒+加工石

整左矛之後,
你可以去山洞(一開始的家)右上的瀑布吉魚,
方法係開道具list(按x選第一個),
選支矛,
再裝上(按a選第一個),
對住有海的地方,
只要左上角有個logo出現,
就可以按y進入捉魚mode,
好easy的,
你見到有條魚出現就點佢啦,
吉中左會有聲音提示,
同時間畫面中間會顯示出你吉到咩魚,
(唔同地區有唔同的魚,
可提供比你的飽食度都係唔同的.)
之後就會離開左捉魚mode,
繼續捉魚吧~
最少捉8條啦~
捉完有2個方法處理,
一個係自己整,一個係比女主角整,
比女主角整的話回復度冇咁高,
但就可以訓練佢煮野食的skill,
(煮得多就好食d囉!~仲有,如果比多種魚佢煮,有機會有加飽食度10%以上的料理出現,
多d 係家以外的地區按a汁調味料,都有機會比佢整到+%更多的料理)
如果自己整,就可以自己控制到~
方法係行去山洞內左上角的煮食區按a(會見到右上角個logo轉左做有把刀的)
先會問你係唔係整便當,
便當就只係比一個人食,
但就可以帶出街or 儲起佢,
唔係整便當就一齊食,
有2個方法整,一係切,一係燒,
唔好慳,一次用哂4條啦!
選完d 魚按x就開始整,
點整?睇下個screen 教你吧....跟住佢咁畫就得...
切就要切得整齊&多,
如果切到一大一細係唔加得多的,
燒就要燒得熟,
我燒魚的方法係start之就立即翻哂上面果行d 魚先,
之後當下面果行有小小金黃色(=_=" )就翻哂下面果行,
只要你整出泥的野食係有d星星係度閃,
就可以加得多d體力的了~

另一個食肉方法係打狼,
打狼方法係晚上8:00,
去到山洞左邊,要兩個人推石後先過到去的第三個沙灘,
係果度會無限出狼比你打,
四圍行下就會見到(放心...見到佢地的話...佢地會主動衝泥搵你的~)
打狼可以赤手空拳,又可以用武器(矛or弓),
開戰之前有機會比你選用咩武器的,
選好裝上就開戰!
一進入開戰畫面,
有3樣野要留意,
1:目標(係screen正中間的狼一隻),
2:目標身邊有指向「左」和「右」的箭咀2個
3:目標頭上果行bar(目標的hp值)
打法:
你見到目標(狼)衝埋泥,
就按「左」or「右」的箭咀(記住係touch screen 果個,唔係部機的十字制...)
咁就可以作出迴避,
成功的話目標即使衝埋泥,你個screen都冇轉色,
但如果你中招,個screen就會轉紅色,咁你的hp就會下降.
迴避左之後就係打!
點你個touch screen就得~
你會見到你隻手or枝矛or把弓會攻擊目標,
中左的話目標頭上的hp會下降,
到0就即係佢死左,(你到0%的話就係你死左 )
咁就會離開打獵mode~(多謝ddduckkk提供:「打獵模式可以用 L R 制避, A 制攻擊,我覺得易打D」)
你就會見到你身邊有3樣野,
肉,油,毛皮
肉係用泥食,
油係用泥煎野or整火把,
皮係用整「床」&「木台+椅子」
汁起舊肉,
用熟魚的方法煮佢就得~
唯一唔同的就係煮完會係煮食區多左d「骨」,
骨加工左就同加工石一樣,當然係比加工石鋒利d啦~

至於第三個方法,就係捉雀仔,
先要去森林,
森林右下方出口可去到竹林,
汁竹回家,
會有劇情出現,
咁山洞內右上角會有樣野加左,
行去對住果個野按a,
就會有樣野彈出泥,
第一行係講緊題目~即係你宜家調查緊咩料,
先會係竹,按左or右制會轉做竹籃(加工竹),
係竹果度,下面有2行數字,
第一行係你儲左幾多,
第二行係你身上有幾多,
按上制就係儲,咁儲個數就會上升,
按下制就係提,咁你身上有幾多果個數會上升,
儲or提好之後按a確認~
當你儲左竹,
就同女仔講野,
選2>>1>>尾2,
咁佢就會問你整幾多,
選好按a,就會問你要幾多日,(如果冇「木台+椅」,就要2~3竹:1日)
選好再按a,
咁過左目標日,同個女仔講野佢就會話整到,
咁你去睇下加工竹個儲的數目會增加左,
同提竹的方法一樣拿一個加工竹出泥,
再加一條木枝,
就可以整到一個小陷阱,
之後行出門口,
打開道具list,選小陷阱,按a,選第一個,咁就會唔見左個小陷阱,即係放左,
你會見到你身下有個小陷阱係度~
除左門口,可以放其他地方,只要比你放就得~
之後對住個小陷阱,
主角會講野,並且你左上角的logo會轉左,
按a,就會進入捉野mode,
出現係你面前係一個1秒後會打開的竹籃,
你會見到入面有冇野,
有野的話就點佢啦!
只要你捉到,咁你點住唔放的話佢係走唔到的~
之前慢慢拖佢去你右下角個袋口,
當成功放入後 1秒就離開捉野mode(自動的),
但如果目標離開左個screen「一次」,
咁就係失敗,就算佢之後再飛翻入泥都捉唔到...同時1秒後係會自動離開捉野mode...
捉左之後check 你個道具list,
就會見到有肉~
越大隻,d肉就越加得多體力!~
之後你可以不斷CHECK 個小陷阱,
會有唔同種類的獵物比你打~
細至大有:咩都冇 老鼠 松鼠(?) 小鳥 雞 鴨(鵝=_=?)
但如果個陷阱十次開十次都冇野!
就下次唔好係果個區放了.....
煮肉方法同煮魚一樣...唔打了=_=||
但唯一唔同係煮完唔會有骨~

以上就係lee 隻game 最易做到的食肉方法~
其他用弓打獵or用魚杆釣魚因為唔簡易同效率低,所以唔講!

另外,
lee 集係有體力菇,
食左之後一個小時後生效,效力一個小時,
留意唔可以儲,即係當你食第二粒菇,第一粒的效果會消失(即使未生效),
咩色就要自己放膽去試,
個個人唔同,
拿菇的地方係山洞下面同沙灘中間的草地會有~
效用分別有「令人強制訓覺」,「中毒(會減hp)」,「咩都冇,加飽食only」,「口喝(減水的%)」和「食壞肚...(飽食度會有個x)」

Q&A區~

Q1:鐵枝有咩用?
A:就咁一枝鐵枝可以做到矛OR箭,一開始可能做唔到,但多D 留意,到耐左就可以比你做

Q2:今集有無雞毛?
A2:雞毛今集少到爆!只要成功「射殺」一隻雞(用小陷阱隻的話只係得「肉」的),射殺完就有機會有雞肉&雞毛了(在地下的).
汁雞毛果度我諗只係得山洞(你一開始的家)右上果個地區先有,但好好好好好好好好好(*n次)少,所以都係「射殺」雞好d....
多謝ddduckkk提供:羽毛只要你o係打台風時住o係第2間樹屋出去外面睇下就會有好多的了...仲有好多蛋添 (超謎)

Q3:點火柱個ending係點?
A3:首先去遺址,會有3條秘道,開秘道的方法係用火把(木棒+油)對住牆上面突出泥的半圓物體點火(火把生火法係身上有生火工具+木枝,裝上火把後按y就得)~就得~有條秘道係有支大火柱的(冇著火)你行過去,會有個位比你點火(screen左上角會有個logo彈出泥),點左之後有劇情,之後會show比你睇下一支火柱係邊~去點著佢啦~最後果支要同女仔一齊去,身上要有弓,箭,生火工具&木枝,去到男主角會話太高點唔到,女主角就會話佢可以用點火的箭射上去~咁就得了~唯一要留意係lee 個ending要一日之內做哂佢(早上起身至晚上6點內)!~如果做唔哂係要由頭再點過.....

Q4:點樣潛水?
A4:暫時唔知點引發潛水劇情....潛水地點係各個沙灘旁,要潮退先去到的小島仔(大石頭?)上,去到會有劇情,之後行前d 會見到右上角的logo轉左,按a就可以潛水了~方法係照住佢指示咁畫個mon就得,左下角個logo係進入上水mode,同樣係畫mon就得~右下角個logo係肺氣量,到0但係你都上唔到水的話...可以會死,可能會強制出水面,體力會減小&你係水底拿到的野會消失哂,要再拿過....右上角係深度計,唔洗我介紹啦...?潛水要留意有鯊魚!!鯊魚出現前你會見到有好多藍色魚突然由左右兩邊游出泥,同時間右下角個「肺氣量」旁會有句野彈出泥,咁你就用枝筆禁住右下角個logo,就會見到條鯊魚游走~咁就可以繼續游~但如果失敗左,就會進入逃生mode~同上水的方法一樣,分別只係睇一睇深度計,會多左條鯊魚logo,你要快過佢游出水面,但如果失敗左....你就會聽到「拍」一聲~同時gameover的字會出現=_=.....去到水底就可以seach 野~同你係地面一樣,用枝筆點d 特別地方,再掃幾掃就得~

Q5:中左毒點算!?
A5:多謝ddduckkk提供:解毒草位置o係溫泉區爬到無雷公咁高o個度...

Q6:木伐ending係點?
A6:修正版:10am在崖頂見到有船經過(唔係日日有),之番屋企同女人講,去右上既沙灘就可以整木船(要15舊木15條繩6張皮),整完後準時早上十點帶埋女人去,就會發生劇情,之後就上船走人了~

Q7:點增同猩猩接觸?之後有咩可以做?
A7:要開啟可以同猩猩接觸的劇情,方法係同女主角一齊去搵猩猩就得~下次你去到,就會進入同猩猩接觸的mode~係果度有3個選擇比你:
第一個係比野佢,如果比岩佢,佢就會比野你,但lee個行動會唔會增加好感度呢...我就唔係好清楚,因為我冇試到....
(綠色圖案係代表佢肚餓,要比便當佢食;藍色圖案係代表佢口喝,要比菠蘿佢食;感嘆號就唔知點解,要比佢自製首飾一條)
第二個選擇係同佢傾計,選完之後按2次a就會開始,猩猩會講d野出泥,你照住講就得~(唔洗識日文都得~)如果成功左,猩猩就會拍拍手~調頭走=_=...到下一日你見到佢,進入同猩猩接觸的mode,就會發現佢企前左~之後你講野game每成功一次,就要講多一句(由一開始講第一句,到我宜家玩到講4句),同時如果你成功左(即係佢拍拍手~調頭走~),咁下次佢又會企前d~咁係代表好感度增加左~會影響你比岩野佢時,佢會比咩你~到你要講4句野時,你如果比岩野佢,佢第一次會比個無線電機你,第二次會比張地圖你,第三次之後就會比翻普通野(eg:蛋,骨,香焦等..)~(同時間代表佢的用途=0 ? )
至於第三個選擇,就係走人=_=(到你調頭走..)~

Q8:今集有冇水樽&大水筒?
A8:今集都係有lee 兩樣野的~只要你每次打完風,去各個沙灘&山洞出面,就咁一埋沙果度check下,就好大機會見到水樽~
至於大水筒,今集的發現難度好高,但係有lee 樣野的~因為有人發現左&我係「生存mode」都證實左係有~同樣都係打完風去沙灘check下就「有機會」有~

Q9:點樣整「竹籃」,「繩」?
A9:先要去森林汁木繩&森林右下角出口的竹林汁竹 回家,咁就會有劇情出現,咁山洞內右上角會有2樣野加左,最右上角果個係「儲繩區」,旁邊就係「儲竹區」,行去對住其中一個,會見到你個SCREEN右上角的LOGO轉左,咁就按A,就會有個表彈出泥,第一行係講緊題目~即係你宜家調查緊咩料,如果你係CHECK緊儲竹區,就會係竹,按左or右制會轉做竹籃;如果你調查緊儲繩區,就會係木繩,按左or右制會轉做繩.之後下面有2行數字,第一行係你儲左幾多,第二行係你身上有幾多,按上制就係儲,咁儲個數就會上升,按下制就係提,咁你身上有幾多果個數會上升,儲or提好之後按a確認~當你儲左竹OR木繩,就同女仔講野,選2>>1>>1(整繩)OR2(整竹籃),咁佢就會問你整幾多,選好按a,就會問你要幾多日,(如果冇「木台+椅」,就要2~3竹OR木繩:1日)選好再按a,咁過左目標日,同個女仔講野佢就會話整到,咁你去睇下對應的儲存區,就會見到竹籃OR繩個儲的數目會增加左了~

Q10:我整左間新屋,但點解入到去,問個女主角野時,少左好多選擇ge!?
A10:因為遊戲設計入面唔當果度係「家」,解決方法係只要你係果間屋訓一晚,第二朝就會發現你另一半出現左係間新屋度!~咁就會當係「搬左家」了~

Q11:無線電機的ending係點?
A11:先要係猩猩手上得到無線電機(Q7有講),之後下午五時正帶無線電機同你另一半上到山頂(遺址分支左上出口),就會見到直昇機經過的劇情,完左就立即去道具list用無線電機,再選第一項(火山xxx),就可以了~