《Blog中百萬年薪》

轉自http://diumanpark.mysinablog.com/index.php?op=ViewArticle&articleId=669533
聽到《港女聖經》的書名，很容易未讀先判，我也能諒解大家的心情(哈哈哈)。所以，今個星期小弟葉一知還有另一本與朋友James Fan合著的《Blog中百萬年薪》上市，提供另類選擇。

刁民寫搵錢書？有冇聽錯？好唔啱style喎。哈哈，這本書的故事是這樣開始的：



W：「呢個係James，我嘅好朋友，做IT，專研究網絡賺錢。呢個係一知，我大學時的朋友，佢好鍾意寫blog，個blog都有啲人睇吓。」

James：「寫blog好吖。你個blog有啲人流，有冇諗過用嚟賺吓錢，賣吓Google AdSense廣告？」

一知：「我有賣adsense廣告，不過雞碎咁多，真係飲杯嘢都唔夠。」

James：「唔係掛？外國有好多bloggers，寫blog賺成百萬港幣一年架喎。」

我雙眼差點跌在地上。

之後，James給了我很多資料，並指導我如何放廣告才有效。Adsense的收入很快便上升了，由飲杯嘢唔夠去到食幾餐飯。

但距離百萬年薪還很遠。

James：「因為Google Adsense繁體版只有半年，唔夠多廣告商用adsense賣廣告，人哋英文版都搞咗三四年先賺咁多錢啦。不過咁，因為Google已經有英文版經驗，相信推中文版都唔會太耐，而家賺唔到大筆錢只係時機未成熟，但如果想寫blog賺到錢，又唔可以太遲去經營，而家係時候架啦。」

我大表贊同：「我真係覺得時機好唔成熟，試過有幾個傳媒朋友問我blog上的廣告是甚麼，原來他們不知道有Google Adsense這種東西。如果連記者都不知道，平民百姓知道嘅又會有幾多呢？」

討論下去，我們便萌生一個念頭：將James的網絡賺錢知識，結合我寫blog和使用Google Adsense的經驗，寫一本書，教多些人寫blog賺錢，那麼更多廣告商便會知道blog這個廣告渠道越來越有效，便越來越多人賣廣告，廣告價格也會越bid越高，到時內容有質素的blog便能受惠。

抱著這個信念，我們合寫了這本書。我們希望，在不久將來，你能blog中百萬年薪，而不用左度右度想扑中六合彩金多寶。

用不用blog來賺錢，是個人喜好，沒有對錯之分。我只是記得電影《南海十三郎》中，唐滌生跟師父南海十三郎說：「學編劇，是要證明文章有價」。近年，整個世界已由影像主導，加上資訊爆炸，早有人斷定文字將會一文不值，連我自己也曾感到文字的無望。想不到，有了Blog和Google AdSense這類廣告模式，令文字在網絡上領回身價。

我是一個熱愛文字的人，寫這本書，心底裏最希望大家一同證明：文章有價。



--------------------------------------------------------------------------------
本書適合甚麼人？以下是拍檔James的意見：

• 忍咗老闆好耐，苦無創業頭緒，但又好想發展第二事業的打工一族
• 寫Blog經年有一定擁躉，想增加網誌收入的Blogger
• 想多賺外快幫補家計的在職人士
• 想當作家，又怕寫書無人知，寫文從來冇稿費的隱世作家
• 退休後有太多時間，想分享經驗貢獻社會，又想賺些生活費的退休人士
• 喜歡吃喝玩樂，享受人生又願意跟眾人分享，從而賺回旅費的中產階級
• 閒時寫下生活貼士，賺回買餸錢的家庭主婦
• 上網、打機好有經驗，又想寫下心得，個個月賺返對波鞋錢的學生哥
• 化妝扮靚可以寫文教人，賺返Facial錢的白領麗人
• 滿有專業知識，又未諗過寫Blog可以賺錢嘅專業人士
• 有無限創意，想同人分享又想賺返些零用錢的細路仔
• 成日聽人寫Blog，唔知但又想了解甚麼是Blog的傳統人士

--------------------------------------------------------------------------------
這本書會跟《港女聖經》同日上市，大約今個星期四五吧！到時再通知大家。

如果你想郵購，歡迎電郵至yipyatchee@gmail.com，我會親自聯絡你。本地郵購九折(即$61)包郵費，海外郵購九折另加郵費。